Агар "Тоттенхэм" мавсум якунларига кўра Премьер-лигадаги ўрнини сақлаб қолса, ёзги трансфер ойнасида таркибни жиддий кучайтириши мумкин. "Шпорлар"нинг янги бош мураббийи Роберто де Дзерби "Фиорентина" ҳужумчиси Мойзе Кинни асосий мақсад сифатида белгилаб олди, деб хабар бермоқда Calciomercato.
Лондонликлар 26 ёшли футболчини келаётган мавсумлар оралиғида ўз томонларига оғдириб олишга ҳаракат қилишади. Transfermarkt портали италиялик ҳужумчининг нархини 40 миллион еврога баҳоламоқда, аввалроқ унга даъвогарлар қаторида "Милан" ҳам тилга олинган эди. Киннинг "бинафшаранглилар" билан амалдаги меҳнат шартномаси 2029 йилгача мўлжалланган.
Роберто де Дзерби март ойининг сўнгги кунида Игор Тудорнинг ўрнини эгаллаб, "Тоттенхэм" бошқарувига келган эди.
