«ПСЖ» ва «Ливерпуль» ўртасидаги Чемпионлар лигаси чорак финали дастлабки учрашувининг биринчи бўлими якунланди. Айтиш жоизки, Париждаги ўйиннинг биринчи ярми кўплаб мухлислар кутгандек ёрқин кечмади. Ҳақиқий хавфли вазиятларни бармоқ билан санаса бўлади.
Шундай бўлса-да, биринчи бўлимда битта гол кўрдик — парижликлар 11-дақиқада ҳисобни очишди. Дезире Дуэ рақиб жарима майдончасининг чап қанотидан зарба йўллади ва тўп рикошет ёрдамида дарвоза тўридан жой олди. Биринчи бўлимдан сўнг Луис Энрике шогирдлари 1:0 ҳисобида олдинда боришмоқда.
