Лондоннинг «Арсенал» клуби бўлажак трансфер ойнасида ҳужумчи Габриэль Жезус билан хайрлашиши мумкин.
Бразилиялик футболчига Италиянинг «Милан» ва «Ювентус» клублари қизиқиш билдирмоқда — аввалроқ бир неча бор хабар берилганидек, «тўпчилар» раҳбарияти жорий мавсум якунланганидан кейин ўйинчини қўйиб юборишга тайёр. Arsenal Radar маълумотларига кўра, Лондон гранди ҳужумчи учун тахминан 30 млн фунт стерлинг (34,5 млн евро) талаб қилмоқда. Тахминларга кўра, Микель Артета футболчини ўз жамоасининг асосий таркибида кўрмаяпти.
Апрель ойи бошида Габриэль Жезус 29 ёшини қарши олди. Унинг «Арсенал» билан амалдаги шартномаси 2027 йилнинг ўрталарига қадар мўлжалланган.
