Германия терма жамоаси собиқ футболчиси Оливер Кан «Бавария» ярим ҳимоячиси Жамал Мусиалага маслаҳат берди.
«У Жаҳон чемпионатида иштирок этишдан воз кечиши керак. Агар ўйинимда нимадир жойида эмаслигини ҳис қилсам, яна тайёр бўлиш учун ўз устимда ишлашим керак бўлади», — дея Каннинг сўзларини келтирмоқда Sky Sport.
Эслатиб ўтамиз, Мусиала оғир жароҳат сабабли жорий мавсумнинг биринчи қисмини ўтказиб юборган эди. Унинг ҳисобида барча мусобақаларда 13 та ўйин, учта гол ва иккита голли узатма мавжуд.
Жаҳон чемпионати – 2026 шу ёзда АҚШ, Канада ва Мексикада бўлиб ўтади. Қуръа натижаларига кўра, Германия терма жамоаси «E» гуруҳидан жой олган бўлиб, унда Кот-д'Ивуар, Кюрасао ва Эквадорга қарши баҳс олиб боради.
