Four Four Two нашри бўлажак жаҳон чемпионатининг асосий фаворитлари ҳақида мақола эълон қилди. Эслатиб ўтамиз, келаётган ёзда Мундиалга учта мамлакат – АҚШ, Канада ва Мексика мезбонлик қилади.
Муаллифлар ЖЧ-2026нинг бош фаворити сифатида Аргентина терма жамоасини кўрсатишмоқда. Таркибида Лионель Месси бўлган айнан «альбиселесте» амалдаги чемпион сифатида Жаҳон кубогини ҳимоя қилади.
Рейтингнинг иккинчи поғонасидан Европанинг амалдаги чемпиони – Испания терма жамоаси жой олган. Кучли учликни охирги иккита Мундиалда финалгача етиб борган Франция терма жамоаси якунлаб беради.
Топ-10ликнинг қолган ўринларини кетма-кетликда Германия, Англия, Португалия, Бразилия, Уругвай, Нидерландия ва Бельгия терма жамоалари эгаллаб турибди.
Жаҳон чемпионати 11 июнь куни старт олади.
