Машҳур Goal портали таҳлилчилари орадан 20 кун ўтиб, «Олтин тўп»ни қўлга киритишга асосий фаворитлар рейтингини янгилади. Анъанага кўра, рейтинг 20 нафар футболчидан иборат.

Янгиланиш натижаларига кўра, Лионель Месси уч поғона пастлаб, 11-ўриндан 14-ўринга тушди. Шунга мос равишда, аргентиналик юлдузнинг жорий йилда фаолиятидаги тўққизинчи «Олтин тўп»ни қўлга киритиш имкониятлари анча паст баҳоланмоқда.

Аввалги топ-20ликда бўлмаган Криштиану Роналду эса бу сафар рейтингга киришга муваффақ бўлди. Мунтазам равишда гол уришда давом этаётган 41 ёшли ҳужумчи 18-ўринни эгаллаб турибди.

Даъвогарларнинг кучли учлигидан эса, Харри Кейн, Килиан Мбаппе ва Майкл Олисе жой олган.