Алессандро Бастони «Интер»ни тарк этиш ҳақида ўйламаяпти, деб хабар бермоқда «Corriere dello Sport».
Ҳимоячи «Барселона» томонидан бўлаётган жиддий қизиқишларга қарамай, «нерадзуррилар» сафида қолишни ва фаолиятини шу ерда давом эттиришни истамоқда. Футболчининг атрофидаги инсонлар билан алоқалар бўлган, бироқ Бастонининг ўз позицияси қатъийлиги сабабли бу музокаралар аниқ натижа бермаган. Футболчи ҳозирча жамоасини алмаштиришга тайёр эмас.
А Сериянинг жорий мавсумида Бастони 25 та ўйинда майдонга тушиб, 1 та гол урди ва 4 та голли узатмани амалга оширди.
