Мўғулистон пойтахти Улан-Батор шаҳрида бокс бўйича Осиё чемпионатининг эркаклар ўртасидаги беллашувлари ўз якунига етди. Мусобақанинг финал жангларидан сўнг барча вазн тоифаларида ғолиб ва совриндорлар номи маълум бўлди.
Ўзбекистон бокс терма жамоаси Осиё чемпионатини 3 та олтин медал билан якунлади. Мусобақада иштирок этган ўзбекистонлик чарм қўлқоп усталари умумий ҳисобда 3 та олтин, 2 та кумуш ва 1 та бронза медалини қўлга киритди.
Олтин медал
-65 кг: Абдуллоҳ Мадаминов
-80 кг: Фазлиддин Эркинбоев
-90 кг: Ҳалимжон Мамасолиев
Кумуш медал
-75 кг: Жавоҳир Абдураҳимов
-85 кг: Жасурбек Йўлдошев
Бронза медал
-60 кг: Абдураҳмон Маҳмуджонов
Эслатиб ўтамиз, Ўзбекистон аёллар терма жамоаси мусобақани 2 та кумуш ва 3 та бронза медали билан якунлаган эди.
Шу тариқа, Ўзбекистон делегацияси Мўғулистонда ўтган Осиё чемпионатини жами 11 та медал билан якунлади – 3 та олтин, 4 та кумуш ва 4 та бронза билан якунлади.
Мусобақада тўлиқ таркибда (20 нафар боксчи) иштирок этган Ўзбекистон умумжамоа ҳисобида Қозоғистон (6 та олтин, 2 та кумуш, 5 та бронза) ва Ҳиндистон (5 та олтин, 3 та кумуш, 8 та бронза) боксчиларидан сўнг 3-ўринни эгаллади.
