Мадриднинг «Реал» клуби спорт директори лавозимини қайта тиклаш ниятида эмас. Бу ҳақда клуб расмий баёнот билан чиқди.

Аввалроқ «Cadena SER» журналисти Антон Меана клуб ичида бундай имконият муҳокама қилинаётгани ҳақида хабар берган эди. Бироқ «қироллик клуби» бу маълумотларни кескин инкор этди:

«Реал Мадрид» шуни маълум қиладики, «Cadena SER» телеканалининг «El Larguero» дастурида спорт директори лавозимининг эҳтимолий пайдо бўлиши ҳақида тарқатилган маълумотлар мутлақо ёлғон. Клуб ҳозирги спорт раҳбариятининг ишини юқори баҳолайди. Айнан уларнинг меҳнати туфайли жамоа ўз тарихидаги энг муваффақиятли даврлардан бирини бошдан кечирмоқда — охирги ўн йил ичида олтита Чемпионлар Лигаси ғолиблиги ва кўплаб бошқа совринлар қўлга киритилди», — дейилади клуб баёнотида.

Маълумот учун, «Реал»да узоқ вақтдан бери спорт директори вазифаларини амалда клуб бош директори (Хосе Анхель Санчес) бажариб келмоқда.