Madridning «Real» klubi sport direktori lavozimini qayta tiklash niyatida emas. Bu haqda klub rasmiy bayonot bilan chiqdi.
Avvalroq «Cadena SER» jurnalisti Anton Meana klub ichida bunday imkoniyat muhokama qilinayotgani haqida xabar bergan edi. Biroq «qirollik klubi» bu ma’lumotlarni keskin inkor etdi:
«Real Madrid» shuni ma’lum qiladiki, «Cadena SER» telekanalining «El Larguero» dasturida sport direktori lavozimining ehtimoliy paydo bo‘lishi haqida tarqatilgan ma’lumotlar mutlaqo yolg‘on. Klub hozirgi sport rahbariyatining ishini yuqori baholaydi. Aynan ularning mehnati tufayli jamoa o‘z tarixidagi eng muvaffaqiyatli davrlardan birini boshdan kechirmoqda — oxirgi o‘n yil ichida oltita Chempionlar Ligasi g‘olibligi va ko‘plab boshqa sovrinlar qo‘lga kiritildi», — deyiladi klub bayonotida.
Ma’lumot uchun, «Real»da uzoq vaqtdan beri sport direktori vazifalarini amalda klub bosh direktori (Xose Anxel Sanches) bajarib kelmoqda.
