«Ноттингем Форест» жамоасининг мухлиси Европа Лигаси чорак финали доирасидаги «Порту»га қарши кечган дастлабки ўйиндан (1:1) сўнг вафот этди. Бу ҳақда «The Sun» нашри хабар бермоқда.
Учрашув «Порту»нинг уй стадионида бўлиб ўтган эди. Маълум қилинишича, марҳум мухлис 84 ёшда бўлган. Маҳаллий ОАВ хабарига кўра, ўлим табиий сабаблар туфайли юз берган. Мухлиснинг жасади Порту шаҳридаги Суд тиббиёти институтига етказилган.
«Ноттингем» ва «Порту» жамоалари ўртасидаги жавоб учрашуви 16 апрель куни Англияда бўлиб ўтади.
