«Реал» бош мураббийи Альваро Арбелоа мадридликлар ҳимоячиси Эдер Милитао ҳақида юқори фикрда эканлигини билдирди.

«Милитао ўз формасида бўлса, у шубҳасиз дунёнинг энг яхши ҳимоячиси ҳисобланади. Жисмоний жиҳатдан у устунликка эга футболчи, яккама-якка вазиятларда катта очиқ майдонни ёпа олади, ҳаводаги курашларда ҳам жуда кучли. Тўп билан ҳимоядан чиқиш маҳорати, менталитети, характери ва етакчилик қобилияти — бундай футболчига эга бўлиш биз учун катта шараф», — деди Арбелоа матбуот анжуманида.

Жорий мавсумда Эдер Милитао «Реал» сафида барча турнирларда 18 та ўйин ўтказиб, 2 та гол урди ва битта голли узатмани амалга оширди.