«Барселона» ҳимоячиси Пау Кубарси Чемпионлар лигаси чорак финалидан ўрин олган «Атлетико»га қарши дастлабки ўйиндаги (0:2) четлатилишидан сўнг баёнот берди.
«Бир лаҳзалик вазият ўйин тақдирини ҳал қилиши ва натижага таъсир ўтказиши мумкин. Бу — футбол. Юз берган воқеа учун масъулиятни ўз зиммамга оламан. Олдинда бизни ҳали узоқ йўл кутмоқда; биз ҳозир ҳар қачонгидан ҳам жипслашганмиз. Биз бир оиламиз ва буни доимо исботлаб келганмиз. Олдинга интилишда ва қатъиятда давом этамиз, биз ҳеч қачон бошимизни эгмаймиз!» — деб ёзди Кубарси ижтимоий тармоқлардаги саҳифасида.
Жорий мавсумда Пау Кубарси «Барселона» сафида барча турнирларда 42 та ўйинда майдонга тушиб, битта гол муаллифига айланди.
