«Barselona» himoyachisi Pau Kubarsi Chempionlar ligasi chorak finalidan o‘rin olgan «Atletiko»ga qarshi dastlabki o‘yindagi (0:2) chetlatilishidan so‘ng bayonot berdi.
«Bir lahzalik vaziyat o‘yin taqdirini hal qilishi va natijaga ta’sir o‘tkazishi mumkin. Bu — futbol. Yuz bergan voqea uchun mas’uliyatni o‘z zimmamga olaman. Oldinda bizni hali uzoq yo‘l kutmoqda; biz hozir har qachongidan ham jipslashganmiz. Biz bir oilamiz va buni doimo isbotlab kelganmiz. Oldinga intilishda va qat’iyatda davom etamiz, biz hech qachon boshimizni egmaymiz!» — deb yozdi Kubarsi ijtimoiy tarmoqlardagi sahifasida.
Joriy mavsumda Pau Kubarsi «Barselona» safida barcha turnirlarda 42 ta o‘yinda maydonga tushib, bitta gol muallifiga aylandi.
