Яқинда ҳужумчи Муҳаммад Салоҳ мавсум якунида «Ливерпуль»ни тарк этиши расман эълон қилинган эди. Мисрлик юлдузнинг кейинги жамоаси борасида кўплаб миш-мишлар тарқалмоқда.
A Spor нашри берган маълумотга кўра, Туркиянинг «Галатасарой» клуби шу ёзда 34 ёшга тўладиган Салоҳни ўз сафига қўшиб олмоқчи. Бундан ташқари, Истанбул клуби «Ливерпуль»нинг яна бир юлдузи — ҳимоячи Виржил ван Дейкни ҳам сотиб олишни режалаштирган. Нидерландиялик футболчи ҳам шу ёзда 35 ёшини қаршилайди.
Қайд этилишича, ушбу трансферларнинг бир қисми сифатида «Галатасарой»нинг 28 ёшли футболчиси Роналд Шаллаи инглиз клубига ўтиши мумкин. Бу орқали турклар трансфер суммасини пасайтиришга умид қилишмоқда. Шаллаининг асосий позицияси ўнг қанот ҳимояси бўлса-да, венгриялик футболчи ҳужумда ҳам ўйнаш имкониятига эга.
