«Барселона» дербига ҳозирлик кўрмоқда — шанба куни Ханси Флик шогирдлари ўз майдонида «Эспаньол»ни қабул қилади. «Кўк-анорранглилар» бош мураббийи кейинги ҳафта сешанба куни бўлиб ўтадиган «Атлетико»га қарши Чемпионлар лигаси чорак финал жавоб учрашуви олдидан Ламин Ямалга дам берилиш-берилмаслиги ҳақидаги саволга жавоб берди.
«Вазиятни қандай бошқаришни кўриб чиқамиз. Ямал учун доимо ўйинни асосий таркибда бошлаш фойдали, лекин кузатамиз. Мен ҳали бир қарорга келганим йўқ. Кутиш керак», — деди Флик журналистларга.
«Барселона» ва «Эспаньол» ўртасидаги баҳс 11 апрель куни Тошкент вақти билан соат 21:30 да бошланади.
