Ярим ҳимоячи Поль Погба жума куни қиш фасли бошидан бери илк бор «Монако» сафида майдонга тушди. Франциялик футболчи ўйиндан сўнг кўп ўтмай ўз келажаги ҳақидаги саволга жавоб берди.
«Кейинги мавсум? Эшитишимча, биз «Монако» билан ҳали узоқ вақт бирга бўламиз», — дея Погбанинг сўзларидан иқтибос келтирмоқда The Touchline.
Жума куни «Монако» меҳмонда «Париж» жамоасидан 1:4 ҳисобида йирик мағлубиятга учради. Айни дамда монегаскликлар Лига 1 турнир жадвалида бешинчи поғонани эгаллаб туришибди. «Қизил-оқлар» чемпионатдаги навбатдаги ўйинини якшанба куни, 19 апрелда, ўз майдонида «Осер»га қарши ўтказади.
33 ёшли Погбанинг «Монако» билан амалдаги шартномаси 2027 йилнинг ўрталарига қадар мўлжалланган.
