Yarim himoyachi Pol Pogba juma kuni qish fasli boshidan beri ilk bor «Monako» safida maydonga tushdi. Fransiyalik futbolchi o‘yindan so‘ng ko‘p o‘tmay o‘z kelajagi haqidagi savolga javob berdi.
«Keyingi mavsum? Eshitishimcha, biz «Monako» bilan hali uzoq vaqt birga bo‘lamiz», — deya Pogbaning so‘zlaridan iqtibos keltirmoqda The Touchline.
Juma kuni «Monako» mehmonda «Parij» jamoasidan 1:4 hisobida yirik mag‘lubiyatga uchradi. Ayni damda monegaskliklar Liga 1 turnir jadvalida beshinchi pog‘onani egallab turishibdi. «Qizil-oqlar» chempionatdagi navbatdagi o‘yinini yakshanba kuni, 19 aprelda, o‘z maydonida «Oser»ga qarshi o‘tkazadi.
33 yoshli Pogbaning «Monako» bilan amaldagi shartnomasi 2027 yilning o‘rtalariga qadar mo‘ljallangan.
