«Лион» бош мураббийи Паулу Фонсека Эндрикнинг сўнгги пайтлардаги иштирокидан норози эканлигини билдирди.
«Эндрикнинг «Анже»га қарши ўйинидан кўнглим тўлмади. Уни танқид қилмоқчи эмасман, лекин у яхшироқ ўйнашга мажбур. У бизга керак», — деди Фонсека матбуот анжумани давомида.
Маълумки, йил бошида «Лион» Эндрикни «Реал»дан ёзгача ижарага олган эди. 19 ёшли бразилиялик футболчи Франциядаги фаолиятини жуда ёрқин бошлаган эди, бироқ вақт ўтиши билан унинг кўрсаткичлари ёмонлашди.













