Испания Ла Лигасининг 31-тури доирасида «Реал» ўз майдонида «Жирона»ни қабул қилди ва 1:1 ҳисобида дуранг ўйнади. Учрашувнинг иккинчи бўлими давомида жамоалар голлар билан алмашишди: 51-дақиқада Федерико Вальверде ҳисобни очган бўлса, 62-дақиқада Тома Лемар мувозанатни тиклади.
Шу тариқа, «Реал» Испания чемпионатидаги салбий сериясини давом эттирди — «қаймоқранглилар» Ла Лиганинг кетма-кет саккизта ўйинидан бери ўз дарвозаларидан тўп олиб чиқишмоқда.
«Реал» охирги марта чемпионат доирасида икки ойдан кўпроқ вақт олдин — 8 февраль куни ўз дарвозаси дахлсизлигини сақлаб қолган эди. Ўшанда мадридликлар сафарда «Валенсия»ни 2:0 ҳисобида мағлуб этишганди.
