Ispaniya La Ligasining 31-turi doirasida «Real» o‘z maydonida «Jirona»ni qabul qildi va 1:1 hisobida durang o‘ynadi. Uchrashuvning ikkinchi bo‘limi davomida jamoalar gollar bilan almashishdi: 51-daqiqada Federiko Valverde hisobni ochgan bo‘lsa, 62-daqiqada Toma Lemar muvozanatni tikladi.
Shu tariqa, «Real» Ispaniya chempionatidagi salbiy seriyasini davom ettirdi — «qaymoqranglilar» La Liganing ketma-ket sakkizta o‘yinidan beri o‘z darvozalaridan to‘p olib chiqishmoqda.
«Real» oxirgi marta chempionat doirasida ikki oydan ko‘proq vaqt oldin — 8 fevral kuni o‘z darvozasi daxlsizligini saqlab qolgan edi. O‘shanda madridliklar safarda «Valensiya»ni 2:0 hisobida mag‘lub etishgandi.
