Альваро Арбелоа Ла Лига доирасидаги «Реал» ва «Жирона» (1:1) учрашуви якунида Килиан Мбаппенинг жарима майдончаси ичида йиқилиши ҳақида ўз фикрини билдирди.
Эслатиб ўтамиз, бош ҳакам Хавьер Альберола Рохас мадридликлар фойдасига пенальти белгиламаган эди.
«Мен учун бу — ерда ҳам, Ойда ҳам пенальти. Бу шунчаки навбатдаги мисол. Яна бир шундай ҳафта. Ҳақиқат шундай, бунга ҳеч нарса қила олмаймиз.
На мен ва на бошқалар ВАР қачон аралашиши кераклигини тушунмаяпмиз. Уларга қулай бўлганда аралашишади, бўлмаганда эса йўқ. Менинг фикрим сизга маълум, фактлар эса буни тасдиқламоқда.
Бу мутлақо тоза пенальти эди. Мбаппега нисбатан бундан анча баҳсли вазиятларда қоида бузилиши қайд этилганди.
Ҳакамлар билан муаммоларимиз жуда кўп бўлди. Бу ўйинда ҳам, «Мальорка» билан баҳсда ҳам... янгилик йўқ. Рефери Мбаппе билан боғлиқ вазият бўйича бизга ҳеч нарса демади», — деди «Реал» бош мураббийи.
