Alvaro Arbeloa La Liga doirasidagi «Real» va «Jirona» (1:1) uchrashuvi yakunida Kilian Mbappening jarima maydonchasi ichida yiqilishi haqida o‘z fikrini bildirdi.

Eslatib o‘tamiz, bosh hakam Xavyer Alberola Roxas madridliklar foydasiga penalti belgilamagan edi.

«Men uchun bu — yerda ham, Oyda ham penalti. Bu shunchaki navbatdagi misol. Yana bir shunday hafta. Haqiqat shunday, bunga hech narsa qila olmaymiz.

Na men va na boshqalar VAR qachon aralashishi kerakligini tushunmayapmiz. Ularga qulay bo‘lganda aralashishadi, bo‘lmaganda esa yo‘q. Mening fikrim sizga ma’lum, faktlar esa buni tasdiqlamoqda.

Bu mutlaqo toza penalti edi. Mbappega nisbatan bundan ancha bahsli vaziyatlarda qoida buzilishi qayd etilgandi.

Hakamlar bilan muammolarimiz juda ko‘p bo‘ldi. Bu o‘yinda ham, «Malyorka» bilan bahsda ham... yangilik yo‘q. Referi Mbappe bilan bog‘liq vaziyat bo‘yicha bizga hech narsa demadi», — dedi «Real» bosh murabbiyi.