«Манчестер Юнайтед» юлдузи, ярим ҳимоячи Бруну Фернандеш «қизил иблислар» ва марказий ҳимоячи Харри Магуайр ўртасидаги ҳамкорлик узайтирилганига муносабат билдирди.
«Харри жамоа учун муҳим фигура. У раҳбарият томонидан бундай эътирофга лойиқ эди. Магуайр катта тажриба ва обрўга эга, шу сабабли бундай футболчини йўқотиш биз учун ёқимсиз бўларди», — дея ярим ҳимоячининг сўзларини келтирмоқда ESPN.
Аввалроқ 33 ёшли ҳимоячининг манкунианликлар билан янги меҳнат шартномаси келаси йилнинг ўрталарига қадар амал қилиши эълон қилинган эди.
АПЛнинг жорий мавсумида Магуайр 18 та учрашувда майдонга тушиб, ўз ҳисобига битта гол ва битта голли узатмани ёздириб қўйди.
