«Manchester Yunayted» yulduzi, yarim himoyachi Brunu Fernandesh «qizil iblislar» va markaziy himoyachi Xarri Maguayr o‘rtasidagi hamkorlik uzaytirilganiga munosabat bildirdi.

«Xarri jamoa uchun muhim figura. U rahbariyat tomonidan bunday e’tirofga loyiq edi. Maguayr katta tajriba va obro‘ga ega, shu sababli bunday futbolchini yo‘qotish biz uchun yoqimsiz bo‘lardi», — deya yarim himoyachining so‘zlarini keltirmoqda ESPN.

Avvalroq 33 yoshli himoyachining mankunianliklar bilan yangi mehnat shartnomasi kelasi yilning o‘rtalariga qadar amal qilishi e’lon qilingan edi.

APLning joriy mavsumida Maguayr 18 ta uchrashuvda maydonga tushib, o‘z hisobiga bitta gol va bitta golli uzatmani yozdirib qo‘ydi.