«Челси» қанот ҳужумчиси Алехандро Гарначо «Манчестер Юнайтед»да ўтказган вақтлари ҳақида ўз фикрини билдирди.

«Ҳозирда «Челси»да эканлигимдан чиндан ҳам фахрланаман. Лекин «Манчестер Юнайтед» ҳақида бирор ёмон гап айта олмайман. Ҳа, бир лаҳза менинг ҳаётимни ўзгартириб юборди, бироқ ҳаёт давом этди. Шундай экан, биз фақат олдинга қарашда давом этишимиз керак», — дея Гарначонинг сўзларини келтирмоқда журналист Фабрицио Романо.

Гарначо 2025 йилнинг ёзида «Манчестер Юнайтед»дан «Челси»га кўчиб ўтган эди. «Кўклар» сафида у барча мусобақаларда жами 37 та ўйинда иштирок этиб, 8 та гол урди ва 4 та голли узатмани амалга оширди.

Аввалроқ, «Челси» жорий мавсум якунланганидан сўнг 21 ёшли аргентиналик футболчини сотишга тайёр эканлиги ҳақида хабарлар тарқалган эди.