«Chelsi» qanot hujumchisi Alexandro Garnacho «Manchester Yunayted»da o‘tkazgan vaqtlari haqida o‘z fikrini bildirdi.

«Hozirda «Chelsi»da ekanligimdan chindan ham faxrlanaman. Lekin «Manchester Yunayted» haqida biror yomon gap ayta olmayman. Ha, bir lahza mening hayotimni o‘zgartirib yubordi, biroq hayot davom etdi. Shunday ekan, biz faqat oldinga qarashda davom etishimiz kerak», — deya Garnachoning so‘zlarini keltirmoqda jurnalist Fabrisio Romano.

Garnacho 2025 yilning yozida «Manchester Yunayted»dan «Chelsi»ga ko‘chib o‘tgan edi. «Ko‘klar» safida u barcha musobaqalarda jami 37 ta o‘yinda ishtirok etib, 8 ta gol urdi va 4 ta golli uzatmani amalga oshirdi.

Avvalroq, «Chelsi» joriy mavsum yakunlanganidan so‘ng 21 yoshli argentinalik futbolchini sotishga tayyor ekanligi haqida xabarlar tarqalgan edi.