Аргентина терма жамоаси ва Мадриднинг «Атлетико» клуби ҳужумчиси Хулиан Альварес Лондоннинг «Арсенал» клуби қизиқишлари доирасида бўлиб турибди.

BBC берган маълумотларга кўра, агар «тўпчилар» ўзларининг ҳозирги ҳужумчиларидан бири билан хайрлашса, аргентиналик юлдузнинг трансфери бўйича таклиф юборишга тайёр бўлишади. Жамоани тарк этиши мумкин бўлган номзодлар сифатида Кай Хаверц ва Виктор Дьёкереш тилга олинмоқда.

26 ёшли Альвареснинг қиймати Transfermarkt портали томонидан 90 миллион еврога баҳоланган. Унинг Мадрид клуби билан амалдаги шартномаси 2030 йилнинг июнь ойи охирида якунига етади.

Ла Лиганинг жорий мавсумида Хулиан 29 та ўйинда майдонга тушиб, 8 та гол ва 4 та голли узатмани ўз ҳисобига ёздириб қўйди.