Argentina terma jamoasi va Madridning «Atletiko» klubi hujumchisi Xulian Alvares Londonning «Arsenal» klubi qiziqishlari doirasida bo‘lib turibdi.
BBC bergan ma’lumotlarga ko‘ra, agar «to‘pchilar» o‘zlarining hozirgi hujumchilaridan biri bilan xayrlashsa, argentinalik yulduzning transferi bo‘yicha taklif yuborishga tayyor bo‘lishadi. Jamoani tark etishi mumkin bo‘lgan nomzodlar sifatida Kay Xavers va Viktor Dyokeresh tilga olinmoqda.
26 yoshli Alvaresning qiymati Transfermarkt portali tomonidan 90 million yevroga baholangan. Uning Madrid klubi bilan amaldagi shartnomasi 2030 yilning iyun oyi oxirida yakuniga yetadi.
La Liganing joriy mavsumida Xulian 29 ta o‘yinda maydonga tushib, 8 ta gol va 4 ta golli uzatmani o‘z hisobiga yozdirib qo‘ydi.
