Лондоннинг «Арсенал» клуби бош мураббийи Микель Артета нима сабабдан жорий мавсум Мартин Эдегор учун у қадар муваффақиятли кечмаётгани ҳақида гапириб берди.
«Тўпчилар» сардори жароҳатлар туфайли тез-тез ўйинларни ўтказиб юбормоқда. Яқиндагина у бир ойдан ортиқ майдонга тушишига тўсқинлик қилган навбатдаги жароҳатидан сўнг сафга қайтди.
«Ўтказиб юборилган ўйинлар сони бўйича бу Эдегор учун жуда оғир мавсум бўлмоқда — бу унинг учун одатий ҳолат эмас. Мартинга ўйин ритми ва жамоа билан доимий алоқа керак. Бу нафақат у, балки барчамиз учун муаммодир. У жуда муҳим футболчи, ҳатто оммага у келтираётган фойда ҳар доим ҳам сезилмаса-да. Унинг жамоага қўшаётган ҳиссаси статистик кўрсаткичлардан анча чуқурроқдир. «Арсенал» Эдегор билан, усиз бўлганидан кўра анча кучлироқ», — дея журналист Коннор Хамм Артетанинг сўзларини келтирмоқда.
