Londonning «Arsenal» klubi bosh murabbiyi Mikel Arteta nima sababdan joriy mavsum Martin Edegor uchun u qadar muvaffaqiyatli kechmayotgani haqida gapirib berdi.

«To‘pchilar» sardori jarohatlar tufayli tez-tez o‘yinlarni o‘tkazib yubormoqda. Yaqindagina u bir oydan ortiq maydonga tushishiga to‘sqinlik qilgan navbatdagi jarohatidan so‘ng safga qaytdi.

«O‘tkazib yuborilgan o‘yinlar soni bo‘yicha bu Edegor uchun juda og‘ir mavsum bo‘lmoqda — bu uning uchun odatiy holat emas. Martinga o‘yin ritmi va jamoa bilan doimiy aloqa kerak. Bu nafaqat u, balki barchamiz uchun muammodir. U juda muhim futbolchi, hatto ommaga u keltirayotgan foyda har doim ham sezilmasa-da. Uning jamoaga qo‘shayotgan hissasi statistik ko‘rsatkichlardan ancha chuqurroqdir. «Arsenal» Edegor bilan, usiz bo‘lganidan ko‘ra ancha kuchliroq», — deya jurnalist Konnor Xamm Artetaning so‘zlarini keltirmoqda.