«Бавария» қанот ҳужумчиси Майкл Олисе ёзги трансфер ойнасида жамоани тарк этмайди. Бу ҳақда The Touchline нашри хабар бермоқда.

Манба берган маълумотларга кўра, «Бавария» Олисени сотмоқчи эмас. «Реал», «Барселона» ва «Ливерпуль» томонидан бўлаётган кучли қизиқишларга қарамай, Олисе ўз клубига тўлиқ содиқ қолмоқда. Маълум бўлишича, футболчи Европанинг гигант клублари эътиборидан мамнун, бироқ трансферни тезлаштириш ниятида эмас. У «Бавария» унга берган имконият учун миннатдор ва шартнома шартларини охиригача бажаришга қатъий қарор қилган.

Жорий мавсумда 24 ёшли Олисе барча мусобақаларни ҳисобга олганда 41 та ўйинда иштирок этди, 16 бор рақиблар дарвозасини ишғол қилди ва 29 та голли узатмани ўз ҳисобига ёздириб қўйди.