«Bavariya» qanot hujumchisi Maykl Olise yozgi transfer oynasida jamoani tark etmaydi. Bu haqda The Touchline nashri xabar bermoqda.

Manba bergan ma’lumotlarga ko‘ra, «Bavariya» Oliseni sotmoqchi emas. «Real», «Barselona» va «Liverpul» tomonidan bo‘layotgan kuchli qiziqishlarga qaramay, Olise o‘z klubiga to‘liq sodiq qolmoqda. Ma’lum bo‘lishicha, futbolchi Yevropaning gigant klublari e’tiboridan mamnun, biroq transferni tezlashtirish niyatida emas. U «Bavariya» unga bergan imkoniyat uchun minnatdor va shartnoma shartlarini oxirigacha bajarishga qat’iy qaror qilgan.

Joriy mavsumda 24 yoshli Olise barcha musobaqalarni hisobga olganda 41 ta o‘yinda ishtirok etdi, 16 bor raqiblar darvozasini ishg‘ol qildi va 29 ta golli uzatmani o‘z hisobiga yozdirib qo‘ydi.