«Барселона» ҳужумчиси Роберт Левандовски қачон ўз келажаги борасида қарор қабул қилиши маълум бўлди.
Mundo Deportivo нашрининг хабар беришича, Каталония клуби ҳужумчисининг манфаатларини ҳимоя қилаётган агент Пини Захави ушбу ҳафтада «Барселона» раҳбарияти билан 37 ёшли футболчи билан шартномани узайтириш масаласида учрашув ўтказган.
Манбага кўра, "кўк-анорранглилар" футболчи билан меҳнат шартномасини бир мавсумга узайтиришга тайёр, бироқ маош сезиларли даражада камайтирилиши мумкин.
Шунингдек, Левандовскига «Милан», «Ювентус», «Чикаго Файр» ҳамда бир нечта Саудия жамоалардан таклифлар бор. Польшалик ҳужумчиси фаолиятини давом эттириш бўйича барча вариантларни кўриб чиқиб, апрель ойи охирига қадар якуний қарор қабул қилишни режалаштирмоқда.













