«Barselona» hujumchisi Robert Levandovski qachon o‘z kelajagi borasida qaror qabul qilishi ma’lum bo‘ldi.

Mundo Deportivo nashrining xabar berishicha, Kataloniya klubi hujumchisining manfaatlarini himoya qilayotgan agent Pini Zaxavi ushbu haftada «Barselona» rahbariyati bilan 37 yoshli futbolchi bilan shartnomani uzaytirish masalasida uchrashuv o‘tkazgan.

Manbaga ko‘ra, "ko‘k-anorranglilar" futbolchi bilan mehnat shartnomasini bir mavsumga uzaytirishga tayyor, biroq maosh sezilarli darajada kamaytirilishi mumkin.

Shuningdek, Levandovskiga «Milan», «Yuventus», «Chikago Fayr» hamda bir nechta Saudiya jamoalardan takliflar bor. Polshalik hujumchisi faoliyatini davom ettirish bo‘yicha barcha variantlarni ko‘rib chiqib, aprel oyi oxiriga qadar yakuniy qaror qabul qilishni rejalashtirmoqda.