"Ювентус" ҳужумчиси Уэстон Маккенни жамоада юлдуз португалиялик Криштиану Роналду билан бирга ўйнаган вақтларини ёдга олди. Улар 2020-21 йилги мавсумда "кекса синьора" таркибида бирга фаолият юритишган.
"У билан бирга ўйнаш ақл бовар қилмас даражада эди. Уни биринчи марта учратганимда, унинг профессионализми ҳақидаги барча гаплар ҳақиқат эканини тушунганман. Биз ўйинлардан тунги соат 3 да қайтардик ва у уйига кетиш ўрнига музли ванна қабул қиларди", - дея Маккеннининг сўзларини келтиради DAZN.
"Оғир ўйиндан кейинги куни эрталаб у спорт залида бўлар ва ҳар бир мушак гуруҳи устида ишларди. Бу ҳақиқат эканига ишониш учун уни ўз кўзингиз билан кўришингиз керак эди", - дея қўшимча қилди футболчи.
"Ювентус"даги уч мавсум давомида Роналду 134 та ўйинда майдонга тушиб, 101 та гол урди ва 22 та голли узатмани амалга оширди. Шунингдек, у жамоанинг 5 та совринни қўлга киритишига ўз ҳиссасини қўшди.
