"Бавария" кузатув кенгаши аъзоси Карл-Хайнц Румменигге Мадриднинг "Реал" жамоасига қарши бўлиб ўтадиган Чемпионлар лигаси жавоб учрашуви ҳақида ўз фикрларини билдирди.
"Биз эйфорияга берилмаслигимиз керак. Ҳозирда атрофда қандайдир ҳаяжон ва шов-шувни сезяпман, очиғини айтсам, бу менга ёқмаяпти. "Реал" Мадрид кўп йиллар давомида шу ерда, Мюнхенда бизга анчагина муаммолар туғдирган. Шу сабабли айтаманки: чоршанба куни биз яна бир юқори даражадаги ўйинни ўтказишимиз керак. Биз максимал даражада эътиборли бўлишимиз шарт", — деди Румменигге DAZN DE нашрига.
Эслатиб ўтамиз, Чемпионлар лигаси чорак финалининг дастлабки учрашувида "Бавария" сафарда "Реал"ни 2:1 ҳисобида мағлуб этган эди. Жавоб ўйини 15 апрель куни бўлиб ўтади. Учрашув Тошкент вақти билан соат 00:00 да бошланиши белгиланган.
