"Барселона" ҳужумчиси Ферран Торрес январь ойидан бери давом этиб келаётган голсиз сериясига чек қўйди. Унинг "қуруқ" серияси барча турнирларда ("Барса" ва Испания терма жамоаси сафида) 15 та ўйинга чўзилган эди.
Ла Лиганинг 31-тури доирасида кечаётган "Эспаньол"га қарши баҳснинг биринчи бўлимида (2:0) ҳужумчи дубль қайд этишга муваффақ бўлди.
Ферран охирги марта шу йилнинг 31 январь куни "Эльче" дарвозасини ишғол қилган эди (3:1). Ҳозирда унинг ҳисобида Испания чемпионатининг жорий мавсумида ўтказилган 28 та ўйинда 14 та гол мавжуд.
