"Боруссия Дортмунд" ҳимоячиси Нико Шлоттербек клуб билан шартномасини 2031 йилга қадар узайтирганига қарамай, топ-клубга ўтиш имкониятини сақлаб қолган.
Kicker нашри берган маълумотларга кўра, янги келишувда бир нечта жамоалар рўйхати кўрсатилган бўлиб, улар ҳимоячини 50 миллиондан 60 миллион еврогача бўлган маблағ эвазига сотиб олиш ҳуқуқига эга.
Шунингдек, Шлоттербекнинг Дортмунддаги маоши аввал хабар берилганидек йилига 14 миллион евро эмас, балки 10 миллион еврони ташкил қилиши айтилмоқда. Ҳатто турли бонуслар билан ҳам унинг маоши аввалги кўрсатилган рақамларга етмайди.
Жорий мавсумда ҳимоячи Бундеслига доирасида 23 та ўйинда майдонга тушиб, 4 та гол уришга муваффақ бўлди.
