"Ливерпуль" вингери Муҳаммад Салоҳ АПЛ доирасида пенальтиларни ҳисобга олмаганда "гол+пас" тизимида 250 очколик маррани забт этди.
Мисрлик футболчи Англия чемпионатининг 32-туридан ўрин олган "Фулхэм"га қарши баҳсда (2:0, иккинчи бўлим давом этмоқда) гол уришга муваффақ бўлди.
Салоҳ ушбу кўрсаткич бўйича АПЛ тарихидаги кучли бешликка киради. Ундан кўпроқ очкони фақат қуйидаги афсоналар жамғаришган:
-
Уэйн Руни — 288 очко
-
Райан Гиггз — 269 очко
-
Алан Ширер — 268 очко
-
Энди Коул — 258 очко
Эслатиб ўтамиз, аввалроқ Муҳаммад Салоҳ жорий мавсум якунида "Ливерпуль"ни тарк этишини расман эълон қилган эди.
