«Барселона» вингери Ламин Ямаль Ла Лига доирасида «Эспаньол»га қарши кечган ва 4:1 ҳисобидаги ғалаба билан якунланган ўйиндан сўнг ижтимоий тармоқлардаги саҳифасига янги пост жойлаштирди. Учрашувнинг 9 ва 25-дақиқаларида Ферран Торрес рақиб дарвозасини ишғол қилди — ҳар иккала голга Ямаль ассистентлик қилди.
87-дақиқада 18 ёшли футболчининг ўзи ҳам гол уришга муваффақ бўлди, 89-дақиқада эса Маркус Рэшфорд таблодаги якуний ҳисобни ўрнатди.
«Барселона — кўк-анорранг! Улар буни доимгидек ҳазм қилишларига тўғри келади», — деб ёзди Барселона дербисининг энг яхши футболчиси деб топилган Ямал ўз ижтимоий тармоқларида.
Ханс-Дитер Флик шогирдлари 79 очко билан турнир жадвалида пешқадамлик қилмоқда ва Мадриднинг «Реал» клубини 9 очкога ортда қолдирмоқда. «Эспаньол» (38 очко) эса 10-ўринда бормоқда.
