«Манчестер Юнайтед» сардори Бруну Фернандеш клубдан нималар кутаётгани ҳақида гапириб берди. Португалиялик ярим ҳимоячи ҳар доим «қизил иблислар»га содиқлигини таъкидлаб келади, шу билан бирга раҳбариятнинг амбицияларига ишонч ҳосил қилиш у учун муҳимлигини яширмайди.
«Мен ҳар доим шундай дейман: «Сиз менга Премьер-лигада ғолиб чиқишни кафолатлай олмайсиз — бунинг иложи йўқ. Лекин биз рақобатбардош бўлишимизга ва охиригача курашишимизга ваъда бера оласиз». Мен эшитишни истаган ягона нарса шу. Бундай ҳолатда бошқаларга ўз имкониятларини очишда ёрдам бериш ва ўзимнинг энг яхши ҳолатимда бўлиш масъулияти менинг зиммамда бўлади», — дея журналист Жейсон Бёрт Фернандешнинг сўзларини келтирмоқда.
31 ёшли футболчининг «МЮ» билан шартномаси 2027 йилнинг ёзига қадар мўлжалланган.
