«Реал» ҳужумчиси Килиан Мбаппе якшанба куни майдондаги машғулотларда иштирок этмади. Мадрид клуби расмий сайтида Мбаппенинг қоши устига чок қўйилгани сабабли машғулотларни ўтказиб юборгани ҳақида маълумот берилди.
«Мбаппе ноқулайлик сезгани ва эҳтиёт чораси сифатида майдонга туша олмади», — дейилади клуб хабарида.
Ижтимоий тармоқлардаги саҳифасида Мбаппе қоши устига қўйилган чоклар акс этган суратни эълон қилди. Франциялик футболчи ўтган ўйиндаги тўқнашув натижасида жароҳат олган эди.
Эслатиб ўтамиз, жума куни «Реал» ўз майдонида «Жирона»ни мағлуб эта олмади — Ла Лига доирасидаги баҳс 1:1 ҳисобида якунланди. «Барселона» эса «қаймоқранглилар»нинг ушбу хатосидан унумли фойдаланиб, орадаги фарқни тўққиз очкогача ошириб олди.
