Британиялик супер оғир вазнли боксчи Тайсон Фьюри украиналик чемпион Александр Усикга қарши ўтказган жангларидаги ҳакамлар қарорига қўшилмаслигини маълум қилди.
Интервью давомида Фьюрига «биринчи жангда ғалаба қозонгандинг», деб мурожаат қилишди.
«Кўпчилик мени ғалаба қозонди деб ўйлаганди. Кўпчилик бу тенгма-тенг жанг бўлди деб ҳисоблади, лекин мен... Мен иккита мағлубиятга лойиқ эмасдим. Лекин нима бўлса бўлди. Тўкилган сутга ачинишдан фойда йўқ бўлар иш бўлди. Бу энди ўтмиш. Бу анча олдин эди. 2024 йилда мен шунчаки жангни ютгандим, нима демоқчи эканлигимни тушуняпсизми?» — деди Фьюри.
Эслатиб ўтамиз, 2024 йилнинг май ойида бўлиб ўтган биринчи жангда Усик ҳакамларнинг бўлинган қарори билан, декабрь ойидаги реваншда эса бир овоздан берилган қарор билан ғалаба қозонган эди. Фьюри эса ҳозиргача ўша натижаларни тан олмай келмоқда.
