Britaniyalik super og‘ir vaznli bokschi Tayson Fyuri ukrainalik chempion Aleksandr Usikga qarshi o‘tkazgan janglaridagi hakamlar qaroriga qo‘shilmasligini ma’lum qildi.
Intervyu davomida Fyuriga «birinchi jangda g‘alaba qozonganding», deb murojaat qilishdi.
«Ko‘pchilik meni g‘alaba qozondi deb o‘ylagandi. Ko‘pchilik bu tengma-teng jang bo‘ldi deb hisobladi, lekin men... Men ikkita mag‘lubiyatga loyiq emasdim. Lekin nima bo‘lsa bo‘ldi. To‘kilgan sutga achinishdan foyda yo‘q bo‘lar ish bo‘ldi. Bu endi o‘tmish. Bu ancha oldin edi. 2024 yilda men shunchaki jangni yutgandim, nima demoqchi ekanligimni tushunyapsizmi?» — dedi Fyuri.
Eslatib o‘tamiz, 2024 yilning may oyida bo‘lib o‘tgan birinchi jangda Usik hakamlarning bo‘lingan qarori bilan, dekabr oyidagi revanshda esa bir ovozdan berilgan qaror bilan g‘alaba qozongan edi. Fyuri esa hozirgacha o‘sha natijalarni tan olmay kelmoqda.
