«Лестер» ва «Тоттенхэм» жорий мавсум якунларига кўра қуйи лигага тушиб кетиш хавфи остида қолмоқда.

«Тулкилар» Чемпионшип турнир жадвалида охиргидан битта олдинги — 23-ўринни эгаллаб турибди, ваҳоланки мавсум тугашига атиги тўртта тур қолди. «Шпорлар» эса Премьер-лигада 18-ўринда бормоқда. Қизиғи шундаки, атиги ўн йил аввал бу жамоалар АПЛ чемпионлиги учун курашган эди: ўшанда «Лестер» сенсацион тарзда биринчи, «Тоттенхэм» эса учинчи ўринни эгаллаган.

«Лестер»ни лигада жон сақлаб қолиш имконини берувчи 21-ўриндан тўрт очко ажратиб турибди. Таъкидлаш жоизки, клуб молиявий қоидаларни бузгани учун олти очкодан маҳрум қилинган эди. «Тоттенхэм» эса 17-ўриндаги «Вест Хэм»дан икки очко ортда қолмоқда.