«Манчестер Юнайтед» бош мураббийи Майкл Кэррик Кобби Майну билан шартномани узайтириш бўйича олиб борилаётган музокаралар ҳақида маълумот берди.
Бир неча ҳафта аввал матбуотда «қизил иблислар» 20 ёшли ярим ҳимоячи билан келишувга деярли эришгани ҳақида хабарлар тарқалган эди.
«Биз [шартномани узайтиришга] яқинлашиб қолдик, шунинг учун ижобий кайфиятдамиз. Бу масалада мутлақо хотиржаммиз. Вақт ҳаммасини кўрсатади», — дея Кэррикнинг сўзларини келтирмоқда UtdReport.
Кобби Майнунинг «Манчестер Юнайтед» билан амалдаги меҳнат шартномаси 2027 йилнинг ўрталарида якунига этади. Мавжуд маълумотларга кўра, ярим ҳимоячининг янги шартномаси 2031 йилгача мўлжалланган бўлади.
