«Манчестер Сити» бош мураббийи Хосеп Гвардиола Англия Премьер-лигасининг 32-тури доирасида «Челси»ни 3:0 ҳисобида тор-мор этди. Шу тариқа, испаниялик мутахассис ўз мураббийлик фаолияти давомида 18-бор «кўклар» устидан ғалаба қозонди.

Қайд этиш жоизки, Гвардиола фаолияти давомида фақат битта клубни бундан ҳам кўп маротаба мағлуб этган. Бу Лондоннинг «Арсенал» клубидир. Испаниялик мутахассис «канонирлар» устидан 21 марта зафар қучган. Эслатиб ўтамиз, «Манчестер Сити» АПЛнинг 33-тури доирасида айнан «тўпчилар» билан 19 апрель куни баҳс олиб боради.

Ҳозирда «шаҳарликлар» 64 очко билан турнир жадвалида иккинчи ўринда бормоқда ва битта захира ўйинига эга бўлган ҳолда «Арсенал»дан (70 очко) олти очкога ортда қолмоқда. «Кўклар» эса 48 очко билан АПЛ жадвалида олтинчи поғонани эгаллаб турибди.