Cadena SER журналисти Ману Карреньо Ханси Флик ўзини худди Хави каби тута бошлаганини таъкидлади.
«Барселона» бош мураббийи Чемпионлар лигаси 1/4 финалининг жавоб учрашуви олдидан ўтказилган машғулот вақтида «Атлетико» уй стадионидаги майдон ҳолати бўйича УЕФА вакилларига шикоят қилган.
«Баъзида Ханси Флик Хавига ўхшашни бошлаганини сезиб қоламан. Ҳакамлардан нолийди, майдондан нолийди...
Бир лаҳзага кўзимни юмсам, қаршимда Хави тургандек бўлади. Биринчи ўйиндаги ҳакамликдан шикоят қилиш, жавоб ўйинида ҳакамлик қандай бўлишини ўйлаб хавотирланиш...
Биз унинг «Метрополитано»даги майдон ҳолати бўйича УЕФА вакиллари билан гаплашаётганини кўрдик. Бу мени ҳайратда қолдирди. Бошқа мураббийлар учун чимда ғайритабиий нарса йўқ эди, лекин Фликни у ҳайрон қолдирди.
Менимча, каталонияликларнинг ўйин олдидан ўзларига қилаётган бундай босимлари уларга қўл келади, чунки улар нима тикилганини яхши тушуниб туришибди», — деди Ману Карреньо.
