"Ювентус" яримҳимоячиси Поль Погба Италия чемпионатининг илк тури доирасида "Сампдория"га қарши учрашувдаги ғалаба ҳақида фикр билдириб ўтди.
"Жамоадаги ҳамма менга ишоняпти, бу эса менда фахр туйғуни уйғотмоқда. Биз ажойиб футбол кўрсатган ҳолда қийин учрашувда ғалаба қозондик. Биз учун бу мавсумнинг яхши старт олгани бўлди.
Бугун "Милан" ютқазди? Бу бизни қизиқтирмайди. Биз ўзимизга ва ўз ўйинимизга диққатимизни жамлашимиз лозим", деди Погба.
Эслатиб ўтамиз, 20 ёшли яримҳимоячи кечаги учрашувдаги ягона голга ассистентлик қилди.













